FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
7 საუკეთესო სტუდენტს, რომლებიც გაივლიან შერჩევას, დააფინანსებს თბილისის სახელმწიფო უნივერსიტეტი (თსუ) და დაფარავს მათი 3-კვირიანი პროგრამის სწავლისა და საერთო საცხოვრებლის (კვებისა და ჯანმრთელობის დაზღვევის სავალდებულო მინიმალური პაკეტის ჩათვლით) ხარჯებს.*
კონკურსში მონაწილეობის მიღება შეუძლიათ თსუ-ს აქტიური სტუდენტის სტატუსის მქონე (სწავლების სამივე საფეხურის) აპლიკანტებს, რომლებიც აკმაყოფილებენ შემდეგ ადმინისტრაციულ და ფინანსურ წინაპირობებს:
აქვთ GPA არანაკლებ 3.2-სა სწავლების მიმდინარე საფეხურზე (2024-25 სასწავლო წლის შემოდგომის სემესტრის მონაცემებით)
ვისთვისაც 2025 წლის გაზაფხულის სემესტრი არ ითვლება დამამთავრებლად
ფლობენ ინგლისურის ენის ცოდნის დამადასტურებელ შემდეგ დოკუმენტთაგან ერთ-ერთს (რომელიც გაცემულია არაუადრეს 2023 წლის 1 იანვრისა):
ა) TOEFL – 100 ქულა ინტერნეტზე დაფუძნებულ TOEFL iBT ტესტზე, მათ შორის TOEFL iBT Home Edition-ის ვერსიაზე.
ბ) საერთაშორისო ინგლისური ენის ტესტირების სისტემა (IELTS) აკადემიური* – 7.0, მათ შორის IELTS აკადემიური ონლაინ ტესტი.
გ) PTE Academic ტესტი (PTEA) – 70
დ) Duolingo ინგლისურის ტესტი (DET) – 125
არ ჰქონიათ დისციპლინური გადაცდომა თსუ-ში სწავლის პერიოდში და თანახმა არიან ჰარვარდში მოქმედი სტუდენტურ ქცევათა კოდექსის დაცვაზე, რომელიც ხელმისაწვდომია აქ;
შესრულებული აქვთ ჰარვარდის საზაფხულო სკოლის ფარგლებში არჩეული საგნების აკადემიური წინაპირობები (ისეთ კურსზე/კურსებზე რეგისტრაციის შემთხვევაში, რომელიც წინაპირობით შეზღუდულია);
ფლობენ საკმარის ფინანსურ რესუსებს (ან ჰყავთ სპონსორი), რომელიც დაფარავს ჰარვარდის საზაფხულო სკოლაში სწავლასთან, აშშ-ში მგზავრობასთან, ცხოვრებასთან, სასწავლო მასალის შეძენასთან, დაზღვევასთან დაკავშირებულ და ყველა სხვა შესაძლო ხარჯს.
ჰარვარდის საზაფხულო სკოლის პროგრამა წარმოადგენს აშშ-ში ერთ-ერთ ყველაზე პრესტიჟულ საზაფხულო სასწავლო პროგრამას, რომელიც 1871 წელს დაარსდა. სტუდენტებს საშუალება ეძლევათ, ისწავლონ ჰარვარდის უნივერსიტეტის პროფესორებისგან და ცნობილი მეცნიერებისგან, ასევე შექმნან საერთაშორისო პროფესიული კავშირები.
*თსუ-ს დაფინანსებული სტუდენტები ვალდებული იქნებიან თავად დაფარონ სხვა ხარჯები, მათ შორის: სამოგზაურო დაზღვევა, სავიზო მოსაკრებელი, I-901 SEVIS რეგისტრაცია, მგზავრობა და სხვა შესაძლო ხარჯები.
დამატებითი ინფორმაცია და რეგისტრაციისთვის: https://www.tsu.ge/ka/foreign-relations/current-exchange/2687